#Tantangangurusiana

#Hari ke-5

Bola bali aku nulis, entuk telung baris banjur tak busak mergo kentekan ide le arep nerusake tulisanku. Tulisan kapisan rekane aku arep gawe puisi, lagi entuk telung baris ideku wis mentok. Banjur tulisanku tak busak. Kaping pidho arep gawe cerkak, lagi entuk sak paragraf wis buntu. Kaping telu aku nyoba nulis pengalaman naliko ijek cilik. Pranyoto podo wae, mandeg tengah dalan tanpo ono bacute. Akhire tulisanku mau ugo tak hapus.

Tulisan iki tulisan kang ka papat. Mugo-mugo wae lancar nganti rampung. 

Menowo moco tulisan ing MGI sik diupload esuk-esuk aku dadi pingin ugo iso upload esuk-esuk. Nanging kok yo ndilalahe aku ki mesti isane nulis yen wis wengi ngene iki. 

Sakjane yo akeh kurang apike nek nulis wengi kuwi. Siji, iso wae malah kebacut turu dadi malah ora sido nulis. Keri-kerine kudu remidi alias nulis seko siji maneh, koyo kang uwis tau tak alami, terjun bebas seko 44. Dino esuke aku ijek semangat nulis maneh. Ananging lagi entuk hari ke-1 banjur aku rodo kendo semangate. Nganti pirang-pirang ndino aku ora nulis. Alhamdulillah konco-konco MGI podo nyemangati aku. Dadi yo aku dadi semangat nulis maneh. 

Deresan, 14 Maret 2020