#Tantangan Gurusiana

#Hari ke-40

Dino Minggu, koyo adat saben aku menyang pasar sakperlu blonjo keperluan pawon. Dino iki aku rencana blonjo rodo akeh sebab bumbu-bumbu ngepasi entek. Mulo kuwi aku ngejak bapakne bocah-bocah menyang pasar, rekaku arep tak kon ngewangi nggowo tas blanjan.

Tekan pasar aku njujug nggone bakule daging sapi lan ayam langgananku. Mergo ijek lumayan entheng mulane tase tak gowo dewe. Bubar kuwi aku mlaku ngulon, ngener bakule bumbon. Tak delok bapakne bocah-bocah ijek mlaku nang mburiku. Aku mlaku cepet-cepet mergo ora pingin kesuwen ono tempat umum koyo pasar iki. Aku tuku brambang, bawang, lomat lan sayuran sakcedhake bakule bumbon. Mbasan blanjan tak lebokke tas, wah jan yo abot tenan jebule. Rampung blonjo aku thingak thinguk nggoleki bapakne bocah-bocah, kok ora ono, aku rodo mangkel, diajak blonjo ki tujuane tak jagakke nggawakke tas jebule malah ngilang. Karo rodo mangkel aku mlaku nang parkiran. Arep blonjo maneh wis kabotan. Tekan parkiran jebuk sik tak goleki duduk manis nang nduwur motor karo ngguya ngguyu. "Wis rampung le blonjo Mi?

Aku ora njawab, cukup manthuk wae mergo ijek mangkel.

Sakwise kedadean kuwi, menowo arep blonjo maneh aku weling marang bapakne bocah-bocah, "Yah, mangke mboten ngilang maleh lho, blanjane akeh niki mangke!"

Deresan, 18 April 2020