Coro wong jowo desember kuwi gede-gedene sumber. Sumber sin dikarepke yo kuwi kerep udan. Dadi guru zaman saiki luwih abot tinimbang mbiyen. Sak ukurlah karo gajine sing ditambahi karo pemerintah sing jenenge sertifikasi. Gandeng sertifikasi propinsi jawa tengah durung mlebu rekening dadi awak roso les-les an ditambah gawean golek berkas sing arane DUPAK. Enem sasi sertifikasi durung ono kabar . Aku lan konco-konco ngarep-arep mergo selak ge mbayar semesteran kuliah putra- putrine. Nek iso cair akhir tahun ikiberarti pasnek diaebut gede-gedene sumber. Dudu mergo udan nangingmergo tambahan gaji sing diwenehi pemerintah.

Dadi guru wes pitulas tahun laju seko ngayogyakarto tekan magelang. Lumayan mangkat petheng alias bar subuh. Mulih yo petheng pas maghrib. Jaman isih enom awak rasane semangat terus ra duwe kesel mbasan wes umur patangpuluhan saiki kroso gampang kesel. Sithik- sithik ngundang tukang pijet. PAncen ora iso diapusi bab onderdil tuwo. Pancenmulai mapan alihe urip bebrayan karo bojo.

Hobiku nenandur opo wae. Pendhak prei rasane pengen nenandur gandeng akih kegiatan kadang ora kedumuk gawean omah. Tanduran woh wohan ng omah akih lan sak wernane. Ananging ora doyan ning nek weruh tetanduran ambok yo ming tambah godong sijiaenenge ra karuan. Desember akih udan ngene iki mathuk anggone arep tetanduran. Ananging desember iki kudu gegawean bab guru seko gawe dupak, koreksi bocah sing bar test, gawebiji banjut rapotan terakhir kuwi gawe skp lan buktine.

Desember ugo ta sebut gede gedene sumber gawean. Kudu iso ngatur awak lan wektu kanggo nggarap tugas abdi negoro sasi iki. Oh yo ono tambahan meneh kudu dampingi bocah lomba bal-balan lan pentas seni. Sirah nek mikir urutan gawean njur nyut-nyutan nanging kudu diayahi kabeh. Horotoyo desember desember. Njo nggarap meneh !!! Men pas wayahe prei iso dolan karo bojo lan anak-anak. Kudu dilakoni kudu digarap kudu dinikmati men awak lan pikiran tetap seger anggoni nglabuhi garapan lan jejibahan kuwi mau.