Tambahlah tambah pitih balanjo Da Apo di bali sagalo maha Da Lagu nan sasuai jok keadaan kini. Lagu bak kato lagu, nan uda ijuih indak juo mangarati. Jan ka balabih acok kurang pitih balanjo kini ko. "Uda acok perai karajo juih, ntu iyo ndak saganok biaso pitih balanjo ijuih do", kecek uda ijuih ndak namuh kalah. Jan kan kalah podo se ndak ka namuh uda ijuih. "Da, si Roih pài ka jawa", kecek ijuih sambia mangubak kantang. Malengah uda ijuih nan sadang manyulo karambie."ka jawa si Roih tu baa juih", manjawek uda ijuih agak manyarengeh sangenek. Cameh ijuih mancaliaknyo, ndeh ndak kajadi manggulai kantang jok pucuak ubi kok takah iko do. Uda ijuih kok tabik mamburansangnyo, a nan nyo kakok nyo tinggàan san nah. Baa lah ka aka lai ko. "Indak bagai alah juo Da", jawek ijuih jo lamah làmbuik. Buliah nak turun darah uda ijuih. Manggaretek jantuang ijuih mandanga jawek uda ijuih."jankan ka Jawa, ka Singapur kito pai holiday, jo kapa tabang kito barangkek". Bagageh ijuih mangecek," iyo bana Da?, Ijuih caliak kuricih di traveloka yo Da, paket ijuih lai ado ju lai". Langsuang babaliak darah ijuih mandanga kecek uda ijuih. "Baa juih, lai ado?, baa dek karuik kaniang ijuih." Tanyo uda ijuih mancaliak ijuih taparangah. Yo sabana rumik manjaweknyo. Gadang hati ijuih dapek kuricih murah ka singapur,"tapi awak ndak buliah kalua nagari sabalun wabah korona ko pai Da", jawek ijuih sambia maelo angok nan tibo tibo sae sasak. Cameh uda ijuih nampaknyo, bagagehnyo mamaluak ijuih. Babisiak balau ka talingo ijuih, "jan salahan uda juih, lai uda nak mambao ijuih raun holiday ka lua nagari, tapi korona nan manghalangi".Tapacak tangih ijuh mandanganyo. Kironyo basambuang kecek uda ijuih ko, "nan biasonyo dek indak ado pitih kito ndak pernah raun diak sayang, kini ko korona nan baulah". Sabana tabik rarau ijuih deknyo. Indak jadi ijuih manggulai kantang jo pucuak ubi, pangana ijuih indak cukuik do. #03Januari2021