ANGAN-ANGAN SI PONTOANG DAPEK CINCIN

Dangakan dek sanak kisah kini nangko

Di tantangan manulis hari duo puluah limo

Carito mangisah tantang antaro rugi jo labo

Kisah surek dari pos nan ditarimo

Surek dibukak jo hati badabok

Baa kaindak ado angko nan tacogok

Satu miliyar angko tatulih di amplok

Sahinggo dak tantu apo nan ka ditojok

Dibukaklah apo nan ado dalam amplok

Karateh banyak kalua taojok

Dibaco elok-elok

Kok ado nan dapek diarok

Ruponyo pambaritahuan kabakeh ambo

Dapekbonus dek lah sato balanjo

Kiniko untuak triwulan ka tigo

Ditaruihan juo mambacono

Tibo dilembaran nan ka ampek

Dibaco nan tasurek

Ruponyo bonusnyo mangikek

Awak harusloh balanjo dulu mangko ka dapek

Hilang sudah nan ado diangan-angan

Ulah dek arok pitih ditangan

Tapaso diuruk dado jo tangan

Dari pado beko dak namuah makan.

Yolah antah dunia kini

Banyak caro urang tuak manarik hati

Buliah apo dijuanyo awak bali

Talabiah tacliakloh nan di hati

Angan-angn si pontoang dapek cincin

Maonjak-onjak dakek camin

Sang hati bukan main

Dicaliak jari dak bisa pakai cincin

Carito ditutuk sampai siko

Supayo jan bangan-angan juo

Kok iyo rasaki nan katibo

Sarahan sajo ka Nan Kuaso

Canduangn 12/2/20