Lelakone Urip
Lelakone Urip
Dening Eko Budiyono
Ati iki sedih
Masia pait, pedes, lan perih
Kabeh mbok lakoni kanti ikhlasing penggalih
Tanpa pamrih
Sapa sing ora trenyuh
Maring lelakon uripmu kang sumpyuh
Nanging ora tau gupyuh
Pancen awakmu wadon kang tangguh
Kabeh wis kok lewati
Kanti ngati-ati
Ora grusa-grusu, nanging setiti
Masia kuwi babagan kang gati-gati
Ora meneng anggonku nangis
Ndelokke lelakon uripmu kang miris
Ketaton kang ora uwis-uwis
Nanging kowe tansah gemuyu manis
Aku ngerti iku banget larane
Sethithik wae ora isa mbayangke
Apa maneh anglakoni dewe
Nanging kowe tetep jejeg amrantasi gawe
Uripmu banget rekasa
Nanging kowe ora tau ngresula
Tansah gumuyu mring kabeh manungsa
Katon yen kowe wus dewasa
Dongaku muga awakmu tansah seger waras
Isa anglakoni urip iki kanti ikhlas
Tanpa lelaku kang culas
Mugi diijabah Gusti ingkang maha welas
Belor, 24 Januari 2021
Tantangan nyerat 365#5
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Bahasa Jawa puisinya. Sedikit mengerti, keren dah
Sae saestu Pak Eko..salam paseduluran saklawasipun..
Trenyuh mas Eko..lagi deleng fotone wae ..apa maneh ngerti saben dinane