Endang Dwi Haryanti
Perjalanan hidup yang menempaku, mengantarkan ke blog gurusiana ini Walau terlambat memulai semoga tetap berarti. Menulis adalah wisata hati, tempat bebas unt...
Selengkapnya
GARA-GARA (Geguritan -TTG 365-H- 338)
Candra candraning gara-gara
Bumi gonjang ganjing, langit kumelap
Bumi lindhu segara mbludak, angin lesus sesulukan
Tathit cumlerit swarane bledeg pating jedher
Lemah owah bengkah pating jlangkrah
Omah gedhong lan gubug-gubug padha bubrah
Wit-witan mobat-mabit ambruk tanpa kemit
Gunung jugrug, watu gedhe cilik mudhun glindhing kebanting-banting
Kawah wutah banjir bandang ke dlarang-dlarang
Tangis jerit kelangan bandha donya, kelangan nyawa
Ora ndonga malah nggresula, nangis ngaruhara nggugat sing Kuwoso
Iki sing jenenge gara-gara … bumi nangis ora kuwat nyangga dosa,
Nalika manungsa wis ilang kamanungsane
Solah bawane luwih asor tinimbang sato
Bumi sak isine nangis nyekseni sing jare khalifah kang tinitah
Nanging nyatane gawe crah gawe bubrah
Ngrusak tatanan, nglanggar paugeran,
Wong siji loro sing gawe dosa nanging kabeh kena memala,
Iki gur pameling, ben manungsa pada eling,
Bali menyang sejatine urip …
#Depok, 4 Desember 2022
#EDH
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Puisi penuh makna. Keren, Bun. Smg kita selalu dilindungi Allah dr segala marabahaya.
Terimakasih bu Erna, aamiin