GURIT KAPANG (TTG 365-H-287)
Kluwunge sore andungkap tetesing netra
Bagaskara kondur ninggalake surup kaijen
Tanpa pamit, surup karasa pahit
Kaya sliramu sing tindak mungkurke wektu
Mbuh sengaja apa ora, tindakmu tan ana warta, ambabar kapang ing telenging telaga rasa
Aku isih setia ngrungkebi pocaping janji
Nganti playune wektu adoh saka pandulu
Surup iki agawe ati tumiyub
Gegambaran warnane sandhikala ketutup mega
Gumanti eseme candra ginapit kartika
Kidung wengi kekancan impen sepi
Kari tininggalan angen ing geguritan, lan crita ing alam pangimpen
Endahing ukara rumeksa ing candraning rasa sing nate ana antarane sliramu lan aku
Rasa kapang gegojegan ing tengahing dalu kang tintrim
Mbusek pangangen supenaning nendra
Aku meneng nguntabke wewayanganmu sing ora bakal bali
Senadyan wayah sore mbesuk panggah nyambangi
#Depok, 15 Oktober 2022
#EDH#
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Duh, wong ayu pepujaning ratri, mugiya tansah pinaringan sabar lan nrima, pepesthining Gusti tan kinira bakal dumadi, purwa rubeda ananging endah ing wasana.
Aamiin ... maturnuwun kaparingan donga, makaten ingkang dados panyuwun, haha serasa kethoprakan ....')
Geguritannya kereeen. Saya bacanya pelan2 ini hehe... Mantap, Bun. Smg sehat dan bahagia selalu.
Terimakasih bu Ernasari semoga suka , salam sehat dan bahagia kembali
Luar biasa Bunda penuh inspirasi dan mencerahkan
Terimakasih pak Tri
Duuhhh...saenipun gurit punika, ibu. Nyengsemaken. Mugya tansah pinaringan bagas waras.
Maturnuwun pamujinipun, mugi pinaringan bagas waras sakkunduripun
Bahasa sastra kang adiluhung, sae Bu Endang. Mugi tansah pinaringan karahayon
Maturnuwun pak Rochadi, meskipun merantau budaya daerah harus tetap di jaga, mugi tansah karahayon ugi dumateng panjenengan
Edi peni, Bu Endang. Rasa kapang kan tansah ngeridhu ati. Mugi wilujeng, Bu. Rahayu kang pinanggih.
Maturnuwun bu Cicik ingkang tansah setyo maos gurit kula, mugi pinaringan rahayu dumateng panjenengan
Sae sanget geguritanipun. Mugi tansah diparingi sehat nggih.
Maturnuwun bu Nanik, mugi tansah karahayon dumateng panjenengan