Falsafah Uok Taruang # Tantangan Menulis Hari ke-46 # Tantangan Gurusiana

            Kini ko lah tibo pulo akhir pekan barikuiknya mah sanak, hari nan sampai kini nan taruih juo angek balangkang mambuek awak iyo nyaman di rumah, kok di lua rumah apo lai siang hari ondeeeh mande iyo haus se nan taraso, elok lah dipakai hari akhir pekan ko untuak saketek releks bak kato urang kini.

Hari tangah hari kini ko, kok tibo masoe sumatera tangah ko mintak diisi nan ambo kini ko mah takana ka mambuek samba buruak-buruak kato urang, samba nan rancak tu mah co goreang ayam, randang, dendeang dan lain-lain. Tapi kok samba buruak-buruak mah mode samba lado lauak kariang tukai atau samba lado bada atau samba lado tarasi bakawan jo uok taruang, kan lai takana dek sanak mauok taruang tu yo di ateh nasi nan ka hampia masak, capek nyo lunak e. kok adoh gai abuih patai batambah seronyo mah, tu tambah lah jo abuih talua atau kok adoh goreang ayam rancak bana, kok indak samba buruak-buruak tu lah jadi juo mah.

Kini ko mah judul tulisan ambo falsafah uok taruang, nan ambo mukasuik tu adolah proses masaknyo uok taruang tu, iolah mamasaknyo io lambek dimasuak an, jadi hampia ka masak nasi baru wak masuak an taruang nan ka di uok tu, sabanta nyo lah masak atau lah lunak dan capek lah wak bangkik lai sahinggo bisa disantap. Falsafah uok taruang ko adolah masuak lambek, kalua takaja, kok tibo di urang atau bia lah awak se rancak ndak? Acok bana awak sabuik urang banyak lo urang berang ka awak ko. Kok di awak mah tibo gilo ka lambek se, tapi bakao kegiatan ka salasai nyo lah tibo se dilua, ha,,ha,,ha,, iyo lah cekatan bana batindak tu mah. Tapi asa karajo ndak tabangkalai mungkin bisa lah di toleransi bahaso kerennyo, tapi kok sabaliaknyo tibo lambek pulang takaja karajo tak lo salasai yo jan lah adoh parangai sarupo itu handaknyo. Iyo kan sanak, jawablah ciek ha,,,,lai rancak awak pakai falsafah uok taruang ko?????