#TaGur Hari Ke-90

Nana seneng pisan mun diajak ka imah Ninina di kampung. Maklum ari poe biasa kudu sakola. Ari di kampung sagala ulinan aya, loba batur deui. Sapopoe gawena ngan ulin jeung sadulurna. Maen bola, nguseup, ngojay di hawangan. Ku Ninina ge diumbar wae, ambeh olahraga cenah. Ulah molototan hape jeung laptop wae.

Salepas asar, barudak ngaraso di teras. Maranehna sapakat ek ulinan ucing sumput. Ti budak genepan tea, Sahrul nu jadi ucingna. Barudak nu sejen geuwat nyebar neang tempat jang nyumput. Sahrul neang babaturanna. Nu sejen kanyahoan tempatna, tinggal Nana. Geus diteang kamamana, can katimu wae. Barudak bingung terus carita ka Ninina Nana. Ninina langsung ceurik bisi budak kumaha onam.

Dibantu ku tatangga, bapana Nana neang anakna. Geus ka mamana eta budak can katimu wae. Bapana Nana terus ka kamer, ek telepon ka indungna Nana di kota. Pas di kamar, bapana Nana ngahuleng. Asa aya sora naon di handapeun dipan. Manehna terus noong ka kolong dipan.

"Astagfirullah, Nanaaaa... Geuning maneh molor di dieu! Geus gawe geger urang dieu. Geuwat kaluar, kahade kajedug dipan." Ceuk bapana Nana. Apekteh, Nana kacapean tas ulin sapopoe, akhirna waktu nyumput kalah kasarean di kolong dipan tibra pisan.