Bulan Apam ( 14TaGur30 )

Bulan Rajab kini ko sanak. Di kampuang ambo Pasaman disabuik jo bulan apam. Apam tu makanan dibuek dari tapuang bareh jo santan. Dimasak di kuali basi . Lalu diagiah kuah saka. Ondeh lamak bana.

Baa kok disabuik bulan apam. Dek karano salamo sabulan ko para dunsanak bagantian maapam. Hari ko Etek Banun. Bisuak Etek Siti. Bisuak ciek lai Etek Supiak. Saliang baragiah. Antaan ka rumah dunsanak nan jauah.

Bulan Rajab ko disabuik juo bulan kanak-kanak. Jadi kanak-kanak anak ketek iyo sanang ati bulan ko. Tiok hari urang baragiah kue. Baragiah samba. Rami-rami masak di rumah sinan, di rumah ciek lai. Mode itu kesukaan papaja kaciak.

Ado pulo nan maartian bulan kanak-kanak tu arawah anak yang maningga waktu ketek tu pulang ka rumah rang gaek nyo. Minta di doa an. Jadi urang tuo yang Ado anak nyo meningga waktu ketek mereka maraso paralu badoa. Maaimbau urang siak. Makan basamo di rumah. Niyaik doa untuk arawah urang nan hilang.

Tapi waalahuulam dek banyak versi nyo tu. Kito niatkan sajo lah. Maapam itu saling berbagi. Saat memberi saat manarimo. Kan mantun