Suduik Baco ( 8d TaGur 30d )

Salamaik ari akaik. Nah kito manulih jo bahaso daerah. Baso Minang dialeg logat Pasaman tacinto hoho. Bacampua jo baso Pasaman Barat saketek. Dek lah 16 tahun denai marantau ka barat ko.

Moh lah. Carito apo kito sanak? Patang di sekolah yang ambo maaja. Ado ciek kelas yang rancak bana. Ado sa suduik tampek mambaco buku. Istilah kinin nyo Pojok Literasi. Atau juo yang mangecek an Sudut Baca. Pojok Baca. Pokok e banyak teh namo e.

Nan inti nyo di setiap kelas tu harus ado suduik baco ko. Tando awak ikut sato dalam gerakan literasi nan sedang digiatkan bana kinin ko ha. Supayo anak-anak kito amuah mambaco, tabukak pangana, batambah ilimu , santiang berliterasi numerasi kecek urang kinin.

Tu baaa caro nyo mambuek suduik baco tu? Suruah anak murid baok buku bagantian dari umah nyo. Kito hias ancak ancak tampek tu. Agiah lapiak, bungo dan hiasan lain bia ancak nampak e. Dari maa pitih nyo tu. Dari sekolah kok dapek. Kok indak tantu mandiri me Wak lai. Minta iyuran ka paja. Sa kreatif kito Basamo lah.

Tiok ari kito cek sia yang alah mambaco. Sia yang merapikan suduik ko. Sia yang paling banyak bacaan nyo. Itu nan santiang kito agiah hadiah. Mudahan sudah tu batambah pengetahuan e. Makin hobi nyo mambaco dan mambaco

Iqro kecek Tuhan kito dalam Al Qur'an. Bacolah. Baco!

Pasaman Barat, 13 Februari 2022