“Batungkek jo batang taleh”

Idealnyo tungkek adolah tampek batumpu. Katiko kaki taraso letai, mako tungkek jadi penyangga tubuah nak jan jatuah. Bagi sibuto, tungkeklah jadi patunjuak jalan kamano kali ka malangkah. Mandeteksi ado bahayo atau melacak mano jalan nan aman ka dilalui. Bagi penguaso, tungkek adolah lambang kekuasaan.

Tapi katiko nan jadi tungkek adolah batang taleh, bisa dibayangkan. ba a batumpu jo tungkek tu? Alamat badan nan kataraok, mungkin tasungkua katunggua lapuak atau dinanti dek batu tajam! Kusuik nan indak ka salasai, auih nan indak ka dapek minum, lapa pun indak ka dapek makan.

Harapan kapado para pemimpin, jadilah tungkek nan batuah! bahan kuek, indak dek bubuak. Jadi tumpuan dek rang banyak, panuntun sibuto ka bajalan, payangga kaki nan sadang lamah. Lambang kebesaran panguaso nan bijaksano.