Tantangan hari ke 17

Dino minggu ,jik nganggo boso jowo

Mbok ngrumangsani !!!!

Jenenge bebojoan ki koyo kekancan , opo meneh wis manula , wis podo dadi mbah - mbah , yen lanang ya kasebut eyang kakung, yen wedok , ya eyang putri .sanadyan wis podo tuo nanging kekarepan jik koyo cah nom.koyoto jik mangan sing atos - atos , alot - alot , wis ngerti untune ogak , ya jik mangan , bareng copot bingung ....dikandani ya jawab , lha enakkkk...lha barang sing dipangan karo ndandakne untu ..larang ndi...?? Ngganti untu lho larang ,untu siji sak juta , yen copot siji ,kudu masang loro , dadi rong juta ..goro - goro mangan alot - alot

mumettt to...

Rambut yo ngono , wis putih ,ya ben putih ...malah apikkk, ngono ya jawab ra PD ( percaya diri) , masalah PD ra PD ..ki ora soko rambut , yen ijik kerjo , ya soko kinerjane awake dewe, asal kerjane apik , ya kudu PD , penting penampilan jik stil , koyo pak Ganjar kae , rambut ya putih , tapi ya PD , wong ya iso kerjo. Ning nyat ya ganteng ding....he..he.. ki jik normal ya , jik iso nyawang wong ganteng ...

Lucu meneh ki yen olah raga , lha umur wis meh sewidak ... Kok senam koyo cah nom , sing jenenge senam erobik , bar kuwi ya lara kabeh to .awake , sename ki paling2 senam jantung , tangane mung diugil - ugil tokk.. Rasah aneh - aneh . Mlaku - mlaku ya ngono , muter alun - alun sampai ping 5 , bareng ngono kekeselen , lara , neng dokter , ditakoni olah ragane nopo Bu , , mlampah - mlampah pak . Ping pinten ? Ping gansal ...

Lha malah doktere ngguyu ....niki sakite amargo olah- ragane kakean Bu...lha dalah...dadi intine , olah raga ki perlu ning ya kudu nonton kekuatane awake dewe, kudu nyadari yen umure wis tuo.

Masalah panganan yo podo , yen ra kuat mangan sambel alias lombok,ya gak usah mangan , melu2 sing enom ,podo maem rujak ,lotis , bar kuwi ..murus..kan salahe dewe ...yen wis bola- bali neng mburi , lagi nyesel , ngopo mau ndadak maem barang...halahhh padune ki raiso ngampet , wis kemecer lambene, ning jane ngerti ..mengko bakal murus. ...mbok yoo nyadari ..yen onderdile wong tuo ki wis bedo ..Yo pora.? Corone mobil kae ...mesine wis rodo 2 kropos ..malah ono sing bolong barang...makane to , yen ono panganan ya dikiro - kiro , iki yen di maem , nyikso aku po ra, ya diampet....

Samu barang ki wis ditoto Karo Gusti Allah , yen wis tuo , rambut wis putih , nangdidi ngowo minyak kayu putih , eh sing lagi ngetren ..kuwi minyak freshcare..ambune enak . Mugo ndang sadaro , sok - sok ya ngilo sing suwe...nyawang rambut , keriput , tenaga wis terbatas, dadi wis rasah aneh - aneh, dinggo ngibadah sing apik , ndongakne anak putu ben sukses donya akherat. Dijogo atine , lambene lan kelakuane , ben iso nggo conto anak putu.

Wis sitik wae yo, Iki ngono ngelingke awake dewe. matur suwun.