Tantangan ke 31

Dino Minggu ,nganggo boso jowo

Mbok rasah pamer......!!

Wong urip pisan rasah aneh - aneh ..., Wis to... sak madya  wae...arep pamer bondo ...sing ngluwihi ,ya jik okeh , pamer ayu / bagus  sing luwih ayu / bagus  yo okeh , pamer pinter , sing luwih pinter yo okeh ...

Wis to , opo sing diduweni ,disyukuri ,kanti ikhlas....

Ning ya ojo meneng wae , terus pasif....nglokro ..ora ngono...wong urip iku kudu usaha , kebutuhan wong urip iku sandang ,pangan , papan  lan ilmu , lan yen papat  kuwi wis kecukupan , sandang sing dinggo wis apik ora elek banget , mangan ben dinone ya wis iso , ora gerih terus , sok - sok ya iwak barang , omah ya wis ono , penting wis ora ngontrak , ilmu ya wis cukup , bocah - bocah ya wis sekolah , yen wis tuo , golek ilmu ya gampang , tinggal gogling , pingin arep pinter ning masalah opo , arep pinter masak , gawe roti , wis opo - opo cemepak , gari gelem opo ora nandangi...jarene boso londo kae 

, when there is a will , there ia a way..." Kuwi ngono yen duwe kekareban , mesti ono dalane ", usaha ning ya di barengi dongo..

Dene yen samubarang wis  kecukupan , wis turah - turah , ya sebagian  kanggo bantu sing mbutuhake , opo kuwi sandang , pangan ,ilmu , lan bondo  .wis  to... ora sah keweden yen bondomu kelong..., Percoyo wae , yen okeh sodaqoh .., karo Gusti Allah malah ditambahi...luwih okeh ..

Tapi ya sok - sok... ya ono - ono wae , piyayi wis ayu / bagus , jik kurang ayu , kurang bagus ..., ya ra opo - opo , jenenge usaha ...Ning yen kebangeten ya malah salah kedaden , koyoto oplas , karepe irunge ben mancung ..ning mancunge lucu.....kerepe nganggo make up , ning keputihen ..raine putih , tangane coklat ...rak lucu...

Wis ta ...usaha ben tambah ayu / bagus  ki kudu , ning ojo ..kebablasen ...sak wajare wae.

Ono meneh ..wong wis sugih...wis luwih - luwih ..ning ora malah syukure okeh , sombonge kebangeten ..  senenge pamer tok..

tambah pelit pisan...ya ra opo - opo , barang - barange dewe, duit- duite dewe..., Ora tahu nonton ngisor , nontone duwur wae...ndangak terus ...wedine nek kesandung ..lha ndangak terus...he..he...tapi biasane yen kesandung lagi sadar ....nanging wis kebacut ...jik apik to dari pada ora sadar .

Wong sing pinter ...yo podo ..jik ono sing  luwih pinter...ojo pelit - pelit. Tularno, karo sing gak iso , nenehi ilmu ki pahale ya okeh ....

Ayo konco - konco kabeh...dadio menungso sing apik , turah bondo , yo sebagian sodaqohno , luwih ilmu , ono wong  takon ya ndang kandanono, , turah sandang , ya bagekno ...sing penting jik apikk , opo meneh anyar tambah apik..., Turah pangan , ya wewehono tonggomu sing Katon kurang ..

Matur suwun , iki kanggo pengeling- eling , yen awake dewe iki urip mung sepisan ...mugo- mugo dadio menungso sing migunani....