Tantangan hari ke 10

Coba takono atimu sing paling jero, awake dewe ki wis amanah opo durung ?

Saben ono acara pisah kenal , mesti ono pejabat anyar sing ngganti pejabat lawas , amargo pensiun utowo pejabat lawas dimutasi. Acarane ngono koyo adat sabene , paling - paling ngenalke awake dewe , jenenge sopo , bojone lan anake piro. Bar kuwi crito pengalamane kerjo , wis nang di wae. Yo mung kuwi. Mbok nyritakne keberhasilane pas dadi pejabat, terobosane opo sing nyejahterake wargo. Opo kebijakane sing okeh manfaate kanggo wargo . Gak pernah nemoni nganti saiki.

Acara rampung , elektunan , nyanyi- nyanyi, makan - makan ...salaman wis bar , pas salaman , kanggo basa - basi , ya ngucapne selamat , lan karo ..etok-etoke meling , mugi- mugi amanah nggih pak , buk. Sakjane ki mbuh ngerti mbuh ora, amanah ki opo ?

Amanah ke artine sing bener-bener iso dipercaya. Yen ono urusan dipasrahke ,ya kudu iso dilakoni kanti sak apik - apike. Makane kanjeng Nabi Muhammad SAW diwenehi gelar karo penduduk Mekkah “Al Amin” sing artine sing paling iso dipercoyo .

Wis jelas ya , yen ono tembung " AMANAH" berarti iso dipercoyo, iso nindakaake tugase kanti apik. Lha yen ono pirang - pirang pejabat , diwenehi tugas malah duite ditilep , dikorupsi , ngono kuwi piye ..wis ketangkep basah karo KPK , ngono neng TV , ya ora duwe isin , jik ngguya - ngguyu , ora ono kok duwe roso nyesel. Kudune ki DPR nggawe aturan anyar , amrih kuruptor ki ben tobat tenan, koyoto dihukum mati amargo korupsine okeh , Ono batesane misale luwih Soko 10 M, utowo 1 M , dihukum 20 th , dihukum sing akeh ben jera. Lha saiki lho ..korupsi MM an , mung dihukum saitik ,pirang tahun tokk..ya cucuk , metu soko penjoro jik sugih. Opo hukumane di mlaratke nganti entek - entekan. Ngono ya apik. Wis sak karebmulah gaweo aturan, sing amrih negoro ki ben sudo koruptore..Oalah negoroku ..duwe budoyo , kok budoyo korupsi.

Wis rasah ngurus pejabat, ngurus awake dewe wae.. wis amanah opo durung ? Ayo podo dikoreksi , dene ngerti yen kurang amanah ,ya ayo Alon - alon di beneri ben awake dewe ki entuk berkah karo Gusti Pangeran , entuk ganjaran , urip pisan ki golek dalan sing pener , ojo sak karebe dewe, sak penake dewe,isone mung nyalahne wong, nyinyiri wong , pek penere dewe. Yen nyakiti ati sak karebe dewe, yen di sakiti saitik wis benger - benger.

Sing kudu AMANAH ki ora pejabat toookk..nanging ya ANS barang ,koyoto guru , lha tugase guru opo wae sih ,koyoto

1. Piket

2. Mulang

3. Dadi wali kelas

4. Gawe perangkat

5. Gawe nilai

6. Koreksi

7. Ngawas

8. Ngelesi / tambahan pelajaran

9 .Ndampingi literasi

Lan liyo liyane.

Piket seminggu pisan , teko esuk ..

Mulang ,Yen pas jame Yo mulang neng jero kelas , ora ngobrol neng kantor . Ora kelase di pantau Soko ruang guru , awas ya ..Jo metu soko kelas , digarap tugase ,dipantau soko ruang guru,peh duwevwa grup . Dadi wali kelas ya kudu care, Ono slambu klewar - klewar ya di tokne , ora kon beneri . Bocah ra masuk 3 dino, ya ditakoni...pokok kudu peduli , amrih kelase dadi apik. Gawe perangkat , yen pengawas ora teko ya ora gawe , alasane wis apal materine, ngopo gawe perangkat barang. Untung duwe menteri nom, perangkat rasah gawe akeh - akeh , yen perlu sak lembar wae, penak to..sing penting ono tujuane , kbm, penilaian ...merdeka belajar...seneng ,ngene iki gari kreatifitas guru , pingin arep didadekne opo muride. Gawe nilai , Ki kudu ono ulangan , mosok raono ulangan ,duwe nilai , bocah wis metu barang jik ono nilaine...ngene ki ya kebangeten. Koreksi , tugase guru ya koreksi , senenge ulangan neng ngoreksi malas...piyeee..

Ngawas , yen ngawas malah koyo ono kesempatan sing arep ijin nangdidi , peh pengawase loro , terus bola - bali ijin. Ngelesi , Yen iki biasane sregep , soale ono duite ,Yo po ra ? Ndampingi literasi , wah susah ki, wektune wis awan , gak enek duite, bocahe wis keblet mulih, Jane ki ya ra suwe , mung 15 menit, yen dilakoni kanti ikhlas ya ra kroso, yen nunggu literasi ,penake gowo gawean ngoreksi , ngerti - ngerti bel muni...mulih.

Wis sitik wae , ki ngono nggo pengiling - eling aku dewe, tugas - tugas mau yen dilakoni kanti ikhlas ya kepenak . Ra sah duwe roso wedi marang duwuran , tapi wedio karo sing kuoso ,sak polah tingkahmu disawang .

Monggo dikoreksi piyambak- piyambak, Mugi - mugi dados langkung sae