Semringah temen kang! ... ana apa pernaeh?

Biasa kang Dirjo, wong urip, ya ana seneng ana susah, masa kon susah terus. Jere "habis gelap terbitlah terang". Nek anane mung peteng bae ya repot uripe.

Kang biasa ya, ... kopi nasgithel e, nyong tekane ke gasiken apa ya kang! ... deneng urung ana apa-apa. Nek andon ngopi thok, kayane kurang siiplah.

Sabar sedela kang Sonto, siji-siji, rika tekane kegasiken. Kiye ubo rampene sih wis ana, mung durung di racik. Siki rika ngopi disit bae, aja manjalah. Nek modele wong kaya dewek, ora kena manja. Dewek kudu bisa mandiri. Manja men nggo gaweane wong sing pada turah-turah duwite.

Ya wislah, nyong tek melu sabar, ngenteni suguhane rika. Kae Kang Bayu, kayane kesusu temen, arep ngendi yah?

Lhoh, ... apa rika ora ngerti kang? ... ketinggalan jaman rika, britane wis tekan ndi ora, ... eee rika sing nyanding malah ora ngerti. Kae kang Bayu lagi ngurusi anake sing tembe bali sekang luar negeri.

Siip temen yah kang Bayu, tembe metu langsung dadi wong mukti. Nyong sing wis lawas, kahanane kaya kiye bae, terbelenggu utang. Sing gawe cerita sentimen temen karo aku ya kang?, waduh ... nyong dadi ngrasani sing gawe cerita.

Rika nek keseringen ndresula karo ngrasani sing gawe cerita, bisa-bisa rika minggu ngarep pensiun dini kang. Sabar karo syukur kang! ... eling! Dewek bisa kaya kiye, mbok mergane muncul nang kene.

Wis lah kang! ... ganti crita bae siki. Ujarku ko nyong dadi wong ora bener bae.

Rika wis krungu apa durung? ....

Lha kae layangane kaya Yu Ndremis. Egang egenge ora bisa di lombo, langka tunggale.

Assalamu'alaikum sedulurku kabeh. ... Langsung bae kang, aku njaluk kopine, sing joss ya kang! Nasgithel aja ketinggalan gedang gorenge sisan kang.

Nyong lagi bungah banget, putuku sing sekolah nang paud sopan santun maen pisan. Ora kaya mbaeh. Lha nyong pas cilik mbiyen karo wong tuwa "mblasur banget", ora duwe sopan santun blas. Siki duwe putu polaeh maen pisan. Nyong dadi ngrasa salah karo wong tuwaku mbiyen.

Putuku kuwe, sedela-sedela terima kasih, sedela-sedela maaf, sedela-sedela tolong.

Bungah ya bungah yu, njagong sit ngeneh, tembe pidato.

Oh iya, saking kepengine ndongeng karo rika padha.

Putuku kuwe, nek bar tek wei apa bae, langsung ngomong ... terima kasih mbah. Trus nek deweke njaluk tulung, mesti ngomonge kaya kiye, "tolong ya mbah ...", ora mung mandeg nang kono, nek deweke rumangsa salah, langsung bae ngomong "mohon maaf ya mbah". Kuwe polaeh putuku, nyong ngasi "mrebes mili", saking senenge, karo ngajog... soale nyong mbiyen polaeh ora kaya kuwe. Isine mung gawe "gela" wong tuwa.

Ngomong-ngomong kiye kang Dirjo keturon nang dapur apa yah? ... wedange suwe temen ora metu-metu. Ujarku nyong lhe ndrememel ngasi garing telake.

Sabar yu, kang Dirjo lagi nyiapaken sing istimewa, dadi mandan suwe. Butuh proses yu.

Walah... rika ngomong proses mbarang, gaya rika kang.

Pancen nyatane kaya kuwe yu.

Jamane siki bae, apa-apa ngarah praktis, cepet, ora ribet. Apa rika ora ngrasakna bedane karo mbiyen.

Bener rika sih kang, siki serba "instan", mi, jahe, ngasi wedang bajigur bae ana sing instan. Santen bae, wis ana sing instan, dadi ibu-ibu siki wis ora pada meresi parudan klapa. Ora kabeh ibu-ibu sih, mbok ana sing ora trima malah repot.

Mambu kopine seger temen kiye, ora kaya biasane. Lewih manteb, suasanane dadi mandan sejen, jal sumbut karo rasane apa ora.

Kiye kang.. yu... kopine, wis ngonoh padha dicicipi. Tembe rika sing tak gawekna kopi model kaya kiye. Cita rasane nang ndhuwure kopi sing biasane. Mambune bae mbok wis sejen, apa maning rasane.

Rika ora usah mikiri gedang goreng, mengko nek wis mangsane kan metu dewek.

Kang Dirjo, ... nek rika pidato bae, nyong lhe ngumbe kapan?... selak kopine adem, rasane bisa ora maksimal.

Oh ya... pangapurane, wis ngonoh pada medang.

Hemmm... rasane "mak jleb", manteb banget, nang awak maraih kepenak, sedurunge awaku ngreges, bar ngumbe kopi awak kepenak, ambekane dadi plong. Istimewa kang, kopine joss banget.

Bener kang, ... nyong dadi semangat kiyeh. Padhang nggo ndeleng. Rika siap-siap bae kang, mengko bakale rika ora kober ngaso. Kopine jan .... jozz banget.