#TaGur 365 Hari (ke 97)

Jangan lupa komen dan follow up ya...

Hari iko etek ira ka mambuek jus alpukat. Bahannyo yaitu buah alpukat yang masak dicampur saketek gulo pasia/susu. Anak laki-laki etek Ira (Rifqi) paih mambali gulo pasia jo susu untuk pancampua alpukat supayo tambah lamak rasonyo. Pulang dari mambali gulo Rifqi langsuang masuak ka bilik untuak marabahan badan.

Anak etek Ira yang surang lai (Zacky) paih masuak juo ka dalam biliak untuak mancaliak uda Rifqi. Kamudian batanyo ado apo subananyo manga abih bali gulo pasia uda Rifqi masuak ka dalam biliak. Ruponyo uda Rifqi takalok lamak bana. Zacky maleh manjagoan uda Rifqi takuik uda Rifqi berang gadang.

Etek Ira mambuang kulik jo incek alpukat untuak diblender basamo gulo pasia ditambah saketek batu es. Anak gadih etek Ira (Nia) taruih mancaliak ka blender. Etek Ira sanyum-sanyum sajo mancaliak Nia. Salasai manggunoan blender mako salasailah mambuek jus alpukat. Etek Ira mambagi jus alpukat pakai galeh ketek. Etek Ira paih ka dalam biliak uda Rifqi. Etek Ira gagal manjagoan Uda Rifqi dek nampak Uda Rifqi indak kalua capek-capek Zacky dan Nia maminum jus alpukat tu. Etek Ira indak bisa mangecek lai do karano Zacky dan Nia mangecekan jus alpukat mama Ira yang paling lamak di dunia. Carito ko dikisahkan baliak Jo ponakan etek Ira yaitu sigadih manih.

Singkarak, 22 Agustus 2020