Ndak salah urang tuo mambuek undang, jauh jalan banyak diliek, lamo hiduik banyak dirasai. Memang itulah adonyo, dalam hiduik ko kito sebagai manusia taruih dapek pelajaran dari hiduik. Ibaraik kato "alam takambang jadi guru". Dek banyak pagaulan banyak didapek, dari pagaulan kito bisa marasokan susah dan sanangnyo hiduik ko.

Contohnyo bantuak nan acok tajadi kini, ambo banyak dapek pangalaman dari pajalanan hiduik. Dari sinan ambo bisa baraja untuak dewasa. Dewasa mukasuiknyo bukan dari faktor umua tapi dari caro bapikia dan batindak. Makasuiknyo, labiah bisa saba atau bisa mangontrol emosi bak nyanyo rang kini dan dalam ma ambiak keputusan juo ndak taburu-buru.

Dengan lamonyo awak hiduik di dunia ko, samakin banyak nan awak rasoi. Kadang-kadang susah, kadang bahagia dan kadamg biaso-biaso sajo. Dalam manyikapi hal sarupo iko lah nan paralu kato dewada tadi.