Dina kie kaya biasane. Tangi gasik, masak, trus siap-siap mangkat kantor. Dandan rapi nganggo seragam keki,trus mancal si Beti montorku nuju maring kantor. Ngliwati ngarep kantor BRI aku nggumun deneng rame pisan. Trus katon ana Ibu-Ibu pada dandan ayu lagi pada baris.

‘Astagfirullohaladzim” aku njerit. Dina kie kan ulang tahun Kota Purbalingga. Aku nembe kemutan nek dina kie seragame udu keki tapi kebaya ireng. Kancane sewengi kirim pesen maring aku nek dina senen kie seragame nganggo kebaya ireng. Aku banjur muter balik,mlayu ngembrit maring umah.

Tekan ngumah aku gagean udar-udar ganti nganggo kebaya karo nilpun bojone.”Bapak, siki mbok kon pada nganggo beskap?. Iya, tapi nyong wis kebanjur tekan kantor.” “Oh, ya wis. Aku lagi ganti klambie kie.” Rampungan ganti, Si Beti tek pancal ngebut maring kantor. Dalanane wes tambah rame sebabe wis awan, aku dadi mandan grogi gole numpak montor.

Mbarang tekan pertigaan Gang Panca, aku njuran mbelok. Ealah, jebule malah ana cegatan pulisi. Aku tenang baen, soale biasane sing nganggo seragam dines ora dicegat. Aku mlaku alon-alon, jebule aku ya diawe nang Bu Polwan kon minggir. Gagean aku minggir, karo ngetokna SIM lan STNK sekang dopet. Banjur tek tidokna maring Bu Polwan. “Oya Terima kasih” semaure Bu Polwan. Aku banjur mlaku maning nerusna perjalanan maring kantor karo mandan trataban. Aku wedi mbok ketelat tekan kantore. Wis kawanen tambah maning mandeg gara-gara cegatan.

Alhamdulillah, aku tekan kantor jam 06. 57. Gari telung menit maning bel. Nang kantor, aku gari ngempos karo mikir jan dina kie aku digawe trataban gara-garane aku kelalen ora nganggo kebaya.

(Kenang-kenangane ulang tahun Purbalingga tercinta)

Gambar diunduh dari :https://www.google.co.id/url?sa=i&rct=j&q=&esrc=s&source=images&cd=&cad=rja&uact=8&ved=0ahUKEwjH8LvtsJLYAhUKLo8KHRk7BKoQjB0IBg&url=https%3A%2F%2Fwww.hipwee.com%2Fstyle%2F11-ide-kebaya-hitam-nan-elegan-dari-mulai-wisuda-sampai-kamu-lamaran%2F&psig=AOvVaw1o2VMS18_jcELznoRtjUvR&ust=151364598311680. Tanggal 18 Desember 2017.