hari rayo alah didepan mato, arok jo rindu nak baliak kakampuang

apolah dayo hati ko sabana taibo, ragu jo Takaciak hati badampuang

mangana saku-saku kini ko sadang tauncang

baok bapikia jo hati risau, maarok Pundi-pundi kaditunggu nan alun juo manjalang

pakok talingo dari sagalo gurau, takuik baharok pulang kampung cuma malenggang

tanah kelahiran alah taraso taraso maimbau-imbau copeklah pulang,

pulang tapaso molah jadinyo, maarok badan cinan marindu kaurang kampuang jo sanak sudaro

bakumpua badan raso kan sero, basuo sadoalahannyo urang nan lah lamo ndak bajumpo

sajuak raso tabayang awak bisa babuko basamo, meskipun hanyo bisa sakali dipanghujung puaso

Tapaso pulang ikolah judulnyo, mambaok badan jo oleh-oleh kue alakadarnyo

indak dikana malu jo gengsi kasado rupo, badan di baok tak banyak nan diparagoan kasadonyo

yang penting sanang jo heppi basuo jo sanak sudaro kasomoannyo

(ndak ado nan ka dipakso an untuk pulang kakampung, iko hanyolah carito palamak gurau jo cando, terinspirasi dari galak-galak palamak carito jo kawan arek konco balabiah, semoga sanak sadonyo yang dalam perjalanan pualng kakampuang halaman selamat smapai ditujuan, amin)

Pekanbaru, 28 April 2022

(H-3 menjelang lebaran)