Aku yo pengen crito nggawe boso jowo, tapi jare mbah’e aku ki wong jowo sing ra njawani. Dadi tak tulis nggawe boso suroboyoan ae yo, cak. Emboh maneh lek pas khilaf ga eroh jawane yo di pekso gawe boso Indonesia. Woles ae rek, los ga rewel!

Tak kandani yo, saiki ono nggon dolan anyar maneh ndek cedek omah’e masku, jenenge Sumber Songo. Jenenge sumber iku yo mesti akeh banyune, opo maneh lokasine nang Kepanjen Malang dijamin sueger. Sakjane sumber iki wes ono ket jaman bahula Cuma’e rodo di keramatno ngono. Tapi saiki digawe wong kabeh ben ga terkesan mistis.

Jare wong-wong kunu, Sumber mata air iku ono sejarahe. Biyen pas jaman Kerajaan Sengguruh sumbere cuma siji, yo mesti ga cukup lah gawe wong akeh. Akhire diadakno upacara adat karo ritual-ritual dipimpin karo muride Wali Songo. Mboh sopo jenenge. Jarene muride iku nduwe karomah, akhire sumbere dadi songo.

Mboh mulai kapan, wong-wong podo percoyo lek banyu sumber iku iso ngobati penyakit, Kabul kajate, sampe iso nyedekno jodoh. Byuh, edan! Akhire sumber iku jadi ruame isuk awan bengi pol terutama pas jum’at legi. Adus nang kunu iku gratis tis loh rek.

Slamete pemerintah daerah mulai peka karo situasi, ga gelem lek akhire sumber iku malah ngganggu ekosistem sekitar. Minggu wingi akhire diresmi’no pembukaan Wisata Sumber Songo. Warga desa sepakat njogo kelestarian lan kebersihan sumber. Dalanan arah sumber wes lumayan apik, sumbere yo wes di ke’I plengsengen. Poko’e wes lumayan lah gawe nggon liburan. Ayok, njegur bareng ta?