#Tantangan Menulisgurusiana Hari Ke 63

SAMBA LADO CANGKUAK

Sanak kini hari Sabtu babaliak wak bacarito tentang bahaso daerah wak surang surang kini ko ambo ka bacarito tentang masakan Minang yang lain lo lamaknyo sanak, samba lado cangkuak.Samba lado cangkuak ko adalah samba urang Minang, anta di daerah lain kok ado lo ambo indak tau.

Dulu sanak wakatu ambo ketek ketek urang gaek ambo mamasaknyo jo kayu jadi raso nyo labiah asli dan lamak sanak. Apolai yang mamasak tu amak wak ondeee yo sabana lamak sanak. Proses masaknyo di tumpangkan ka nasi yang awak masak di pariuk tadi, sudah tu wak tambah lo jo aia nasi yang ba mamasak tadi. Sampai nasi kariang, hmmmm...

Kini zaman alah canggih dak sanak mamasaknyo tingga colokan ka listrik masaknyo, sudah tu ndak lamo manunggu nasi masak, samba masak lo. Onde yo sabana sero. Kini ko wak cuboan masak nyo sanak bulia bisa lo sanak masak beko untuak babuko, ko bahan bahannyo ambo agia sanak, sanak simak an yo.

Bahan bahan :

1 genggam ikan teri asin cuci bersih

300 ml aia tajin ( aia nasi )

½ lembar daun kunyik

2 potong asam kandih

Garam sacukuiknyo kalo sanak nio bulia tambah kaldu bubuk

10 butir bawang merah potong potong

Bahan yang di aluihan

15 buah lado merah

1 siung bawang putiah

7 butir bawang merah

½ buah tomat merah

Caro Mambueknyo lai sanak :

Sanak campua sado ala e bahan yang di ateh tadi, masuak an kadalam mangkuak yang tahan angkek, kalau ndak tahan anggek pacahnyo sanak baleak nasi awak. Sudah tu awak aduak sampai rato.

Sudah tu awak kukuih bahan tadi kalo ambo di ateh nasi, jadi kalo nasi masak samba ko la masak lo, bulia juo tapisah mangukuih nyo sanak. Sudah tu awak cubo rasonyo.

Kalo masaknyo jo kukusan di tunggu sampai matang kalo alah matang atau masak, lah awak salin ka cambuang lai sanak alah masak samba lado cangkuak awak.

Salamat mancubo sanak

Kota Bingkuang 16052020