Sajak sonjo kapatang hari hujan, alun baranti sampai pagiko. Pagi-pagi taraso dingin. Paruik lah taraso litak. Ditengok a nan dapek kadimakan, indak ado nampak makanan ringan, yang ka dikulek-kuleh. Ado nampak pisang jantan masak jo ubi jala. Tapikia dek ambo a nan ancak ka dibuek. Ancak ambo buek goreng pisang jo goreng ubi lai. Tuk pangganja paruik nan litak. Ambo caliak bahan, tapuang jo talua lai pulo ado. Ambo campua an tapuang bareh jo tapuang tarigu, agiah garam saketek, tambah vanile, gulo di aduak supayo marato, sudah tu ambo kocok talua masuak ka adonan tapuang cako. Sudah tu baru ambo agiah ayia, diaduk merato. Ambo kubak pisang jo ubi dan dibasuah. Ambo angek an minyak lai, sambia nunggu angek ambo irih-irih ubi jo pisang. Lah angek minyak siap di goreng lai. Lah angek minyak ambo goreng ubi dulu tunggu sabanta lah masaknyo. Sudah tu ambo masak pulo pisang goreng. Ndak lamo lah masak pulonyo, ambo latak an dipiriang. Siap dihidangkan tuk keluarga. Ndak lupo ambo foto pisang jo ubi goreng. Yuuk makan pisang kato ambo di grup wa keluarga ambo. Sabanta kalua nak bujang yang cako masih basalimuik juo di ateh kasua. Hehe itu carito ambo pagiko pembaca. Kok nio makan goreng pisang kawan-kawan datanglah ka rumah ambo. Capeklah beko abih lai. Cerito pagi Ahad, 7 Maret 2021 Di rumah ambo Jopang Manganti