A. PAPARIKAN

1. Ngarumpul keur maén rémi,

moro manuk didodoho.

Sanajan usum pandemi,

diajar mah ulah poho.

2. Ka leuwi ngaliwat sasak,

kakawihan ngahariring.

Uteuk lieur panon ruksak,

mikiran diajar daring.

3. Saladah dipaké tamba,

Corona mobil baheula.

Sasalad datang tumiba,

Corona matak bahaya.

4. Disamping maké saléndang,

usum hijan dipayungan.

Tong hariwang tong salempa g,

Gusti Alloh nangtayungan.

B. RARAKITAN

1. Sok sanajan euweuh wadah,

ulah poho nyieun eupan.

Sok sanajan aya wabah,

ulah poho kawajiban.

2. Ka Mekkah rék munggah hajji,

salamet apal saréat.

Kabarudak kudu ngaji,

salamet dunya ahérat.

3. Mawa duit dina beubeur,

bagja kabeuli liontin.

Mawa diri kana bener,

bagja lahir bagja batin.

4. Sanajan geus jadi rami

diajar ukur saliwat.

Sanajan usum pandemi,

diajar mah ulah liwat.

5. Sing getol jarah karamat,

nu guna pikeun maslahat.

Sing getol diajar sholat

nu guna dinya ahérat.

C. WAWANGSALAN

1. Sangu ketan diéntépan,

ulah melang ulah ningnang.

( Wangsalna: Ranginang)

2. Awi dijieun anyaman,

nyiruan euweuh usumna.

( Wangsalna: Nyiru)

3. Rohangan loba jelasna,

coca-cola matak seger

( Wangsalna: Sakola)

4. Kacamatan Bandung Barat,

tangkal peundeuy mingkin jarang.

( Wangsalna: Cipeundeuy)

5. Program maca reujeung nulis,

tarasi paranti nyambel.

( Wangsslna: Literasi)