281. Dino Mingguku

Tagursiana 365#2/281/653

Musim rendeng wes teko. Sabendaino udan terus,nak ora isok yo awan, nak ora awan yo sore. Rongdino iki malah sansoyo betah udane. Udan terus, mandeg sedelok udan maneh. Esok, awan lan bengi tansah netes banyu songko langit sing diarani udan. Ndilalah udane koq udan banyu nak udan duit ndahneo wong-wong kabeh podo seneng ora onok sing ngiyup malah meu kabeh.

Goro-goro udan aku mung ndekem neng jero omah wae. Mlebu metu nyekel sapu, piso, piring sendok, aliyas resik-resik, masak terus madang. kulkasku nganti ora di isi mergo ora iso blonjo nyang pasar. Opo maneh pengene nyemil terus. Sak anane dimasak koq yo sek clingak clinguk golek cemilan.

Ndilalah anakke wes gede, wes iso masak. Tak sambati pengen ngemil koq yo tanggap. Salin klambi, nyuwun arto terus metu nyang warung, muleh-muleh nggowo blanjan teung-tepungan, santan gulo abang. Meh nggawe opo to sak jan-jane.

Aku nerusne nyetriko, anakku ewoh dewe neng pawon. Bar nyetriko aku niliki seng masak, tibake gawe jenang cenil. Koq yo pinter men tho menu jajanan sing pana-panas tapi dudu gorengan. Welhadalah koq sedep men. Marem tenan nduk ibumu iki.

Dino mingguku ora metu songko omah, tapi ora mandeg nggonku obah. Kabeh gawean rampung, wetenge podo wareg, iso lungguh wong telu santai nyawang udan karo gremengan. Krungu adzan maghrib, arep adus lagi kemutan, nak sakjane dino iki ono kondangan mantenan. biyuuh

Oemah 9 Oktober 2022