Beda Na Jolo Dohot Sannari (versi Mandailing)
Tantangan hari ke- 25 #Tantangan gurusiana
Na jolo pala potang ni ari manuk do i palobu masuk andang
Anggo sannari alak pe wajib do i bagas na
Lockdown ningna
Na jolo eme do na markangar i milas ni mataniari
Anggo sannari jolma pe i markangar juo
Marjombur ningna so mela kumani
Na jolo pala adong na barsi marsidoaon do somarkasehatan
Anggo sannari na barsi i abiaron dohot curigaon ni alak
Songon teroris doma
Na jolo pala inda i solom na itandai ho dokkon ma na sombong
Anggo sannari i larang doma marsi soloman
Physical distancing ningna
Na jolo mula potang biaso de markumpul-kumpul marsikejekan dohot tetangga
Anggo sannari i larang markumpul dohot marsikejekan
Social distancing ningna
Ho do na mambaen sude tarbalik o... Korona
Madung ma ami sadari ma kasalahan nami
Madung bahat ma dapot kami pelajaran
Mulakma ho jolo, mulak maho tu hadirat ni Allah
Tongkin nai bulan Ramadhanan
Malungun ami sholat berjama'ah
Malungun ami marbuko bersama
Malungun ami bersilaturrohim
Padiarma ami malaksanaon dohot ate-ate na tenang
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar