Geguritan
GURU PROFESIONAL
Profesional
Sertifikasi
Tunjanga n profesional
Kuwi tembung-tembung kang gawe bungah
Ananging ugo gawe susah
Bungah amarga arep nampa duit akeh
Kang gedhene padha karo gaji pokok
Susah amargo guru ora duwe keprigelan kang nyata
Mulang sakarepe dewe
Ora nganggo paugeran
Dadi menawa ana tembung supervisi atine deg-degan
Bingung olehe arep nuduhake keprofesionalismene
Kudune guru kang nyandang predikat profesional
Kudu luwih sregep
Anggone ngayahi tugas dadi guru
Nggulowenthah siswa kaya anake dhewe
Luwih gedhe tanggung jawabe marang kemajuan pendhidhikan.
Februari 2014
JANJI
Dalan kaya kali asat
Saben dino taklewati
Nganti tanganku gringgingen
Nyekeli setang motor scoopy sing daktresnani
Weteng kongklok saben dino
Kaya-kaya ora dirasa
Amarga kalah ning janji
Kang wis taktanda tangani
Naliko aku diangkat dadi guru
Siap makarya ing papan ngendi wae
Ing sajroning wilayah Indonesia
Dalan kang kaya kali asat
kang aben dino taklewati
Dadi seksi
Menawa aku ora cidro ing janji
Februari 2014
THOLE
Thole..............
Anakku sing bagus
Ibu arep tindak makarya
Aja nangis
Ben ibu tenang anggone makarya
Ngabdi maring negara
Majokake pendhidhikan kita
Supaya masyarakat Indonesia
Lantip ing pikir
Sopan ing tindak tanduk
Gumregah saiyeg saeka praya mbangun negara
Tundhuk maring paugeran
Taqwa maring kang gawe urip
Thole........
Ibu tresna kowe.....
Februari 2014
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar