Gejoz

Wis ping pindho mbekayu ngarep umahku ngewei nyong gejoz. Nyong tembe teblug sekang mesjid dheweki ngirim gejoz.

Mbuh kepriwe gemiyen nyong koh seneng pol panganan sing rupane putih sekang budin dijenengi gejoz. Apa mergane pas digoreng muni jozzzzz deyan apa ya?

Nyong wis kondang kawentar neng tangga se RT lamona seneng gejoz. Bakul janganan ider saben esuk celuk-celuk," Bu ...gejoz..." kayong pada rame ngomongna gejoz.

Dong wingi nyong tuku koh digoreng ora teyeng mlendhung. Wis rupane putih, nyong icipi madan kecut. Kepriwe gie jere ya, deneng beda.

Isuke, bakul janganan celuk-celuk maning nawakna gejoz. Nyong gagean mbukak lawang trus protes. "Mbekayune...deneng gejoze ora teyeng coklat, putih bae kaya mayit, rasane kecut.

Bakule njawab, " Ya nyong ora mudheng yu, wong kulake ajeg koh". Ana batir sing semaur, " Angger atos, ora mlendhung tambahe kecut ya udu gejoz tapi golak".

Nyong mbatin, apa maning gie golak. Nyong sering krungu wong Banyumas sing sumpah" yakin golak gokin". Deneng siki mbalik dadi kembarane gejoz.

Nyong mikir ora entong-entong bahasa ngapak pancen joz kayong gejoz sing nyong dhemeni.

Aja padha ngguyu, nyong seneng gejoz. Wong seneng tuli ora ana alasane. Ora merga murahe, ora merga mlendhunge, apa maning kecute.

Wong sing dhemene burger, pizza, spageti ya nganah. Nyong tah dhemen gejoz. Ora ana obat pengawet tur maning mbuktekna yen nyong "Cinta Tanah Air" hehehe...apa iya cinta tanah air modal rong ewu perak olih telung bungkus busyet. Murahe pol bukti cinta nyong karo negara.

Alah mbueh sing penting melu ngapak-ngapak hihi