Alah Sambok Dibueknyo
#T.004
Alah Sambok Dibueknyo..
Indak taraso sae kala iko alah hari nan ka tigo jo lalok di siko. Jarum infus nan tacucuek ditangan kida ko mulai indak lamak taraso. Inyo mancucuek kasakitan dibueknyo. Apolae kalau alah suntikkan ubek nan antibiotik namonyo. Sakiknyo alah hurabi padieh jo mangantak-antak dalam darah. Padahal nan disuntikkan ke dalam slang infus nyo.
Kalau bulieh mamimilieh bialah diminum langsung cairannyo. Kalau bisa disuntikkan ka pangka paho atau langan sarupo katiko baduntik caca sangkek SD sari. Sabanta manangguangkan sakiknyo. Katiko jarum disuntikkan, kecek perawatnyo dulu sakiki samo raso jo digigik karanggo atau padieh gigitan salimpado. Antah ma nan batue jolah, nan pantiang sakikinyo indak lamo-lamo manangguangkannyo.
Lamo-kalamoan nan tangan ko alah manyambok jo dibueknyo. Jari-jari alah bangkak indak bisa dikatuekan lae. Aliran darah nan tampek cairan infus lalu ko alah menyakitkan. Indak tabedo rasonyo. Diimbaukanolah ka paraeat nan manjago. Indak lamo sasudahnyo dilapehkan malah sado jarum nan bacucuekan. Infus slangnyo dibukak lo. Keceknyo iko samantaro beko dipasang baliek. Untuakangurangi samboknyo disuruah kompres jo aie angek ngilu kuku.
Agak barangok lapang saketek dibueknyo walau iko samantaro sipaiknyo. Bialah dari pada taniayo awak deknyo. Sambok-sambok saketek. Tapi kalau dibandiangkan antara tangan suok ko kida rado indak picayo kalau iko tangan awak kaduonyo....
Solok, 17 Maret 2024....
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Mantap
Terima kasih....