#Tagur27

Paisi cambuang..

Lain Lubuak lain ikan, lain padang lain balalang. Adaik salingka nagari. Baitulah bunyi papatah Minang manunjukkan adonya kabaragaman budaya. Kearifan lokal dima adaik ko balangsuang atau balaku. Tiok-tiok tampek tantu babeda adat jo tradisinyo tatapi pada prinsipnya nan balaku tu hampie-hampir sarupo atau ado ciek duo nanneda tunyo.

Sabagai contoh adaik baralek panikahan. Biadonyo ibu-ibu pai haralek ko mambao cambuang barisi bareh jo lado nan dibungkuih jo kain batik. Pulangnyo dek tuan rumah pambaokkan tadi disalin baganti ka pulang isinyo jo paragiahan urang punyo alek. Isi cambuang ko bamacam-macam sasuai jo nan dibuek dek nan punyo alek. Biasonyo ada nasi lamak, kue, gulai cubadak atau gulai rabuang.

Hari ko pai baralek ka Nagari Koto Padang Koto Baru Dharmasraya. Di sinan paisi cambuang ko barupo bingkisan nan tadiri dari gulai cubadak, samba randang, sabungkuih biskuit Hatari, taruih ciek mie goreng instans.

Tuan rumah manyiapkan paisi cambuang dalam kantong assoi. Sarupo paket-paket bantuan sembako nan kadibagikan. Partamonyo agak galak mancalieknyo, tapi kasusahannyo biaso sajo. Karano di babarapo tampek di daerah Solok, paisi cambuang ko sabungkuih roti manih nan biso sabuik urang jo roti banta.

Katiko pamit pulang ka sipangka nan punyo alek, kito diagiah pulo meski indak mambao cambuang. Raso baa lo dek inyo, tapi iko suko indak suko harus tarimo pagiahan nan punyo alek.

Koto Padang, 22 Januari 2023