Lapek Sagan

Oleh : Risna Milawati

Hujan nan turun mambuek hati baku saraso lalok dalam kulkas. Ayam bakukuak sahuik-sahuikan sarupo alunan irama lagu. Si Pakan alah jago lalok Anju ma Anju juo dari oukua ampek. Takana pisang nan lah bakubak tadi malam bamasukan ka dalam kulkas. Oi setan ko diambuih-ambuihnyo juo mato ko. Setan barangkeklah lai. Si Pakan mangecek surang. 

Pai lah si Pakan ka sumua ba wudhuak. Ondeh mandeh rasi Wak aja ko. Raso tingga di kutub den kiniko. Oii aja jan dingin Bana ndak manggis wa den Beko ndak jadi Lo tabangkalai den sudah. Huhuhu huhuuu sambia manggaretek si Pakan masuak ka dalam rumah Inyo langsung sumayang. 

Si Jangkuang lah jago taruih ba uduak sumayang dakek iyaknyo. Mambaco alaik sumayang kareh-kareh dek karano umuanyo baru 6 tahun diajaan sumayang sajak ketek bia capek pandainyo kok ka jadi Imam Musajik Makkah kato si Pakan ka cucunyo. 

Yak Jangkuang bisuak jadi Ustadz Yo. Baco ayaik sumayang lah pandai doa lah dapek Lo.

"Barati Jangkuang lah gadang yo yak," kato si Jangkuang ka iyaknyo.

"Iyo Jangkuang, rajin-rajin sumayang jo mangaji lai buliah jadi anak Sholeh aamiin".

"Yo, yak".

Lah sudah sumayang si Pakan Jo cucunyo lah ba situngkin di dapua bakarajo. Pisang nan bakubak malam lah dilinyak-lunyak supayo aluih,. Karambia mudang lah ba kukus lo. Si Jangkuang sato mambasuah daun pandan bisa harum lapek sagan ko dibueknyo tu diagiah lo intinyo saka ondeh lamak rasonyo lalu mintuo di bulakang dapua indak nampak lai dek kalamaan lapek Sagan ko.

Kini tibo masonyo tungkuih manungkuih lapek lai. Si Jangkuang lah Sato lo manungkuih dek panasaran ba a caro manungkuih dari tadi mancaliak iyaknyo manungkuih. Kini nyo cubo Pulo. 

Yak Kuang sato so beko tu punyo akuang. Bacubo pulo manungkuih dek indak pandai senjang-senjuik lah daun pisang ko. Ba a ko takah ko Yo kecek Jangkuang. "Cubo sakali lai Yo yak? Sambia manyambo daun pisang. 

"Jadih", kecek iyak Pakan. 

"Lai rancak yak?" Kecek si Jangkuang ka iyaknyo.

"Lai sayang iyak. alah tu Yo paratian sajo iyak mambueknyo. 

"Yo, yak."

Lah sudah manungkuih lapek Sagan si Jangkuang Jo iyaknyo tingga manunggu masak lai. Kini samba untuak makan nasi nan ka dibuek lai. Taragak lo Wak Jo samba Tanak. Patai, udang bariang, kacang, pucuak ubi lai di laman. 

Kini lapek Sagan lah masak si Jangkuang lah Tibo mancari-cari nan nyo buek tadi. Basobok ciek baru. Di bukaklah lapek ko badinginkan dulu. 

"Yak, lamak Yo yak"

"Yo, nak. Rajin-rajin mangaji, sumayang jo sikola Yo untuang bisuak jadi urang santiang cucu iyak ko"

"Yo, Yak. Akuang rajin-rajin. Akuang doan iyak, inyiak, amak anak, mamak sadonyo."

"Aamiin" 

Den aja-aja juo ang dari ketek ko. Kok lai isuak paguno salamaik Jo ang jadi urang gadang sasuai Jo kandak hati ang, kecek si Pakan dalam hati. 

Baraja katiko ketek ko sarupo Jo manulih di batu, tapi kalau lah gadang lah gak susah maajakannyo. Sarupo maaja di ateh aia. Carilah ilmu sabanyak mungkin. Bia tabangkik batang tarandam ko. Alam takambang jadi kan guru.

Batapia, 07-03-2021

Tantangan menulis