Rasane atiku seneng banget, mergo dino minggu prei sekolah, kerono saking senenge, ibarate koyo nemu emas. Nangeng nyatane dino minggu ora prei blas, malah penggawean seambrek, koyo kapal pecah seng jenenge omah. Tangi turu seng di candak langsung panci kanggo ngilwet sego, baru sholat subuh. Mari sholat subuh lansung budal neng pasar,kerono anak wedok wes tangi terus njalok sate neng pasar, padahal biasane lek ora dino minggu tangi ora subuh, tangine biasane jam setengah enem, tapi lek prei tangine malah isuk.

Niate arepe tuku sate wae, tapi tekan pasar kethok sembarang-sembarang, dadi dudu sate war seng tuku, maleh tuku jangan mateng, susu dele njalukane anak wedok, terus kelingan tuku kunir, maleh tuku kunir barang( gawe jamu salah satu pencegah Corono, bene sehat)

Muleh tekan pasar, nutokne lek masak, anak wedok njalok sego goreng lan masak liyan-liyane. Mari masak ganti pengawean liyo, resek-resek ngarepan, sukete podo cukul kabeh, udan-udan ngene iki sukete pirang-pirang, ayahe mbabati peger, nebang wet blimbing neng ngarepan seng wes mulai nggembrayong, bene ketok padang omahe ora rungkut.

Mari resek-resek jobo omah, niate arepe sarapan, tapi anak wedok dolanan karo kancane ngobrak-ngabrek dolanan seng jero lemari, masya Alloh jero omah koyo kapal pecah he..he...he

Roso luwe dadi ilang ketok omah berantakan, ahire ngresiki dolanan seng morat-maret kabeh, ya Alloh mugo-mugo sikil iki ojo sampek pothel hehe..

Wes mari lek ngresiki dolanan, tibane gombalan reget onok rong bak, numpok sak gunung uhud, ahire penggawean lanjut umbah-umbah, ora sido sarapan. Ngono iku wes penggaweane wong wedok, dino minggu wayae leren tapi penggaweane ra entek-entek, tapi ra usah di getuni lan nggresulo, nikmate wae, terus ngguyu nglakoni urep ben terus seneng rasani ati.

Njajal nulis boso jowo ngoko, salah ora kiro-kiro

Sabtu-minggu mulok nulise.