KPPL Kota Padang

#tantanganke-2

Paragiah

Sanak ko ado cito snek ha. Li amuah sanak mandanganyo? Sasudah tu agiah komentar nan basiah stek yo? Hehehehe.

Lai pernah sanak kailangan sesuatu. Barang misalnyo. Wak contohkan se ko baju ancak yoh?

Baju ko katuju na di sanak. Sanang hati malakek annyo. Taduah mato maliek. Lantiak jari malenggok annyo. Baru lo babali. Sakali baru basorongkan.

Nan bapakai sakali ko sabalik lo urang mamuji. Antah baju e nan ancak. Antah dek parumahan tu bana nan data. Lah bagajintin se kaduonyo

Rancana sasudah dipakai ko disasah, diagiah pengharum. Padahal sabun e sangaik lo lah ka harumnyo. Ka ditambah juo lae. Ditareka diagiah lo kispray. Baru diandok an ka limari. Malah tibo musim nan tapek baru dipakai lo liak.

Ruponyo lun talakik batareka nan baju ko lah ilang di ampaian. Kiro-kiro baa parasaan hati sanak?

Marangeh?

Berang?

Ka sia ka berang?Kok li tahu nan maambiaknyo katiko tu,dirameh muncuang paja tu nak?

Tu tapaso sanak mauruik dado surang. Supayo diagiah Allah kasabaran. Mudah-mudahan diganti jo nan labiah segeh. Kan baitu nak sanak?

Lah ampia ilang dalam pangana sanak, tampak di sanak urang mamakai baju sanak tu. Ka sanak pangakan paja tu? Talok di sanak mamintak baju tun?

Ma nan paliang marangeh hati sanak? Katiko ilang sari atau saat basobok kini?

Ambo raso ndak takana di sanak bedo e lae. Iyo kan? Nan pasti samo-samo marangeh hati. Hahahahahaa......

Itu kalau kahilangan barang nan sanak sayangi. Baa kok barang nan sanak katujui tu sanak agiahkan ka urang.sanak baragiah dengan sanang hati jo ikhlas.Contohnyo baju.

Bialah baju juo contohnyo nak sanak? Buliah terarah observasi wak. (Handeh..... Cando penelitian para ilmuwan lo cito e)

Dipakainyo di urang paragiah sanak tu. Baju tun dipakainyo di ybs(yang bersangkutan) ka nan rami. Tampak di sanak. Sanang hati sanak atau marangeh?

Sanang kan?

Makonyo.

Supayo jan dicilok urang. Ancak agiah an se. Pi ko barang yo sanak? Ndak urang doh.

#edisimanirusinoercakrawala#