Hipotesis Ni Sulaih tentang Rinuak
Hipotesis Ni Sulaih tentang Rinuak Oleh Sulasmi "Onde ni..... Mantang wak kaciak masak kanai kicuah se di nan cadiak" Mantun pangaduan rinuak ka ni sulaih sore ko. Lah payah ni sulaih bapikia kama arah kecek rinuak ko lah. Kik palo maagaki keluhan rinuak sang idola. Nio rasonyo manampa sia nan dimukasuik rinuak. Nan ka ditampa ko pulo nan tak jaleh. Kiro-kiro kalau sanak jadi ni sulaih. Apo nan ka sanak pabuek jo pakaro nantun? Kabatanyo ka rinuak nan mangadu tu, inyo lah ni sulaih bantai. Mek bagulai jo cubadak kapatang yo? Amuahnyo dicari kawan rinuak nan tingga di istananyo. "Istananyo apo kecek uni ko. Jaleh kerajaan rinuak tu lah diserang habis-habisan dek angin kabo-kabo" Manyalo lo kinsaok dilantai. Nyo sakik hati sato lo manyolang. "Apo kinsaok tu ni? Baa pulo mangkonyo manyolang? " Kinsaok tu namo lain dari salimuik sanak. Di kampuang ni sulaih itu namonyo. Urang kampuang ni sulaih ko panggageh. Sagalonyo nak bagageh se. Kin tu asanyo kain. Saok tu tutup. Kain saok samo jo kain penutup. Penutup badan waktu tidur. Jadi kinsaok ko penamaan untuak kain nan manyaok badan katiko lalok. Bahasa Indonesianyo selimut. Nah kabanyakan urang minang manyabuiknyo salimuik. Ebaik kampuang ni sulaih nak? Punyo kosa kata sendiri. Kalau dipikia-pikia bisa juo ni sulaih mambuek kamus bahaso kotobaru. Hahahahaaha........ Barasian taro duduak uni di nyo diak. Tambah tabasuik galak uni katiko manjalehkan masalah kinsaok ko. Takana peristiwa taro sikola. Ni sulaih berang ka kawan sakamar nan banamo idel. Sababnyo idel ko ndak maacuahkan ni sulaih nan mintak tolong. "Del.... Ambiak an kinsaok ciek! " Nan si del ko anok je nyeh. Lah tigo kali ni sulaih mintak tolong. Ndak nyo acuahkan. Naiaklah spaning ni sulaih. Baturolah ni sulaih ka idel ko. "Apo nan uni mintak? Ndak mangarati idel doh" Baru ni sulaih sadar baraso si del ko bukannyo ndak amuah manolong. Malainkan dek nyo ndak paham apo nan dimukasuik. Kan iyo tu di sanak bahaso ko panyabab urang basisalak. Mis komunikasi kato rang kini. Alaaaaa......... Panjang na katubah. Nan mukasuik alun juo sampai la doh. Baliaklah wak ka nan coko. Baa pulo mako kinsaok tu sakik ati. Ka indak pulo. Sajak pukua satu malam nan paja ko dilantiangan ni sulaih ka lantai. Ndak nyo lalok-lalok. Pangananyo ka pangaduan rinuak tu juo. Dek ndak dapek jawek la doh. Ni sulaih manyusun hipotesis sendiri. Mudah-mudahan hasil observasi bisuak ndak manulak hipotesis nan diputuskan malam ko. "Ha? Apo pulo tu hipotesis ni" Kinsaok juo baru nan manyalo. Supayo nyo ndak sakik hati ka uni. Bialah ni sulaih jawab tanyo nyo ko yo? "Hipotesis tu dugaan sementara" "Ha? Apo pulo dugaan tu? Pasti sanak batanyo-tanyo pulo apo nan ni sulaih mukasuik.Ni sulaih mangiro-ngiro babarapo hal tantang pangaduan rinuak tu. Satu. Rinuak ko kan lauak kaciak. Masak se kanai latua di lauak-lauak nan lain. Nan labiah gadang padonyo. Sudahlah ketek. Aka pendek lo. Baa ndak ka kanai kicuah pulo. Duo. Barti rinuak ko cadiak mah. Kok tahu nyo kini kanai kicuah. Dek karano itulah makonyo mangadu ka ni sulaih. Tigo. Rinuak ko tahu baraso hasil dari keberadaannyo lah maangkek ekonomi rakyat. Tapi nan harago dasarnyo tatap murah. Peyek rinuak,Randang rinuak dan berbagai olahan lainnyo lah marambah pasar nasional. Bahkan internasional. Melalui promosi UMKM dan Pariwisata. Nah ikolah mungkin panyabab kaciak hati rinuak. Kok iyo kok indak allahualam. #menulisitumenggembirakan# #menulisitubikinngakak#
DISCLAIMER
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Mantul