Oleh : Tensiswarni,S.Pd.I

Tantangan gurusiana hari ke-79

Solok, 26 Juli 2020

Rumah bagonjong tanyato banyak makna nan tasirat, rumah adaik urang Minang Kabau nan tanamo samanjak dulunyo. Kok Gonjong Masih Runciang Madok Ka Langik manandokan ( Iman kapado Allah). Tunggak Tuo Masih Badiri (manandokan Islam masih ado dan akan bajaya nantinyo). Tapi Paga Nan Kareh sebagai Benteng dan pertahanan lah mulai guyah ( manandokan Alquran Jo Hadis untuak padoman) lah mulai rompak. Halaman Nan Laweh ( manadokan Pemahaman taradok agamo Islam ). Tapi kini halaman nan laweh lah mulai basamak di tumbuhi ilalang jo duri , bahkan kacang miang manjelo - jelo.

Kok Rangkiang Nan Di sabuik tampek panyimpan padi ( manandokan Kepedulian )

,atau lumbung padi ado namonyo rangkiang sitinjau lawik digunokan urang untuk manyimpan padi

rangkiang tagak sajaja

ditangah sitijua lauik

panjapuik sigadang lalu

paninjau pincalang masuak

ado rangkiang sibayau-bayau nan digunokan untuak menyimpan padi kebutuhan sehari-hari tamasuak untuak pembiayaan kebutuhan yang sifatnyo harian.Dikanan sibayau-bayau untuk makan pagi jo patang.

Nan katigo rangkiang sitangguang lapa digunokan untuak mambantu urang nan susah pado maso paceklik

Dikiri sitenggang lapa

Tampek simiskin salang tenggang

Panolong urang kampuang

Dimusim lapa gantuang tungku

Nan ka ampek rangkiang kaciek, lumbuang kaciek salo manyalo tampek manyimpan padi abuan, bila waktu turun kesawah tiba padi diambiak dari rangkiang kaciek untuak di semai atau padi dilumbuang kaciek ini digunakan untuak benih kembali.

Kini rangkiang indak ado nan maisi lai dunsanak ,alah kosong malompong. Bararti kepedulian tu nan lah kurang kini.

Model itu juo ukiran sabalik dindiang lah rato, artinyo ( Adab , Ahlak, Budi Pekerti , Sopan Santun ) lah mulai indak ado. Baa ka duduak sahamparan di ateh rumah janjang madok naiak , tanggo madok turun nan lah ilang artinyo ( Kato Mandaki, Kato Manurun, Kato Mandata Jo malereng ).

Rumah kaum di kuasoi dagang lalu, dek mamak jarang manyilau ka tanah pusako,

Malin Jo Tuan ku babeda kaji di dalam surau.

Anak kamanakan manjadi kacang miang dalam nagari.Tacirik di kapalo aia untuak ba Uduak dek urang banyak. Pergaulan nan luas mambuek kito lupo jo sajadah nan saeto,

Model baju , pakaian nan gaul , mambuek bundo kanduang lupo baju kuruang dan jo tilakuang. Kok indak capek batindak pangulu, bundo kanduang, manti, kampuang jo malin atau tuan guru cadiak pandai dalam nagari. Mari kito inok manuangkan basamo bayiek nan di kampuang jo nan dirantau.

Ka mungkin kah minang hanyo akan tingga namo ?