(76) APO SAMBA
APO SAMBA
Oleh Uki Lestari
Akek kini lah biaso
Indak dinanti nyo ka tibo juo
Ditambah kini tiok hari tempo
Kadang raso pasai bangkik pulo
Buliah ndak pasai mari kito karajo
Karajo maisi wakatu nan banyak ko
Isilah jo sasuatu nan paguno
Banyak manfaaik daripado mudareknyo
Sumbayang wajib jan sampai tingga
Kok dapek suneknyo dipabanyak
Zikia jo mangaji rancak bana
Basidakah jan lupo yo, Sanak!
Batang kayu dikarek ampek
Dibuekan ka kati-kati
Buliah dunie akhirek kito salamek
Iduiklah elok jan badangki-dangki
Tanah itam iyolah subur
Batanami batang cubadak
Iduiklah kito jo panuah syukur
Bia indak bacakak-cakak
Ado FB ado WA
Instagram iyo pulo
Apo rancak dibuek samba?
Nan lamak pambangkik salero
Mamiliah talua yang balapiak
Taluanyo gadang badaso
Jaanlah paniang ondeh upiak
Urang indak makan awak lai ado juo
Pai ka pasa pakailah tingkuluak
Pastian tingkuluak manutuik dado
Marilah kito maambiak wuduak
Karano wakatu sumbayang alah tibo
Solok, 12 April 2012
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Kamus!!! Mana kamus? Heu heu
Heu heu heu...
Apo samba? Takok jariang samba lado, abuih pucuak ubi.
Yo titiak salero deknyo, Buk. Hihi
Apo samba mbak Uki kini ko...haa...haaa. bisa saya bahasa Minang kan...Keren mbak Uki...btw. putranya manis...
Waaah, mantap bana, Bu Siti. Hihi. Samba ambo goreng baluik+jariang(goreng belut+jengkol), Bu. Yuk sini ke Solok, Bu
Samba lado kutu lamak bana mah buk
Ondeh, yo lamak bana mah, Ni.
aduh apa ya.... rancak bana.....bener ngk buuu hihihih
Hihihi, tau ndak, Bu artinya? Hehehe. Apanya yang rancak, Bu? Pantunnya apa pusingnya? Hehehe