Malala Tiok Minggu
Malala Tiok Minggu
Oleh Uki Lestari
Ambo tadi takajuik mah. Cubolah takok, dek apo ambo takajuik. Kironyo, kini alah tibo lo Sabtu. Hari nan katuju bana dek ambo. Itu tandonyo bisa libur agak salayok. Malala istilah ambo. Hangout istilah sanak mah nak.
Tadi ambo babincang-bincang jo uda ambo, alias apak anak-anak, minantu urang gaek yang lah malahian dan yang manggadangan ambo. Ambo batanyo ka baliau.
"Bisuak awak pai malala ka maa rancak yo, Da?" tanyo ambo dengan PD-nyo mah.
Eh, bukannyo maagiah jawek, malah baliau mambana ka ambo.
"Pai main tiok minggu se. Ndak talok Uda do, Ki. Mambana Uda. Maneh bisuak lu. Da nak mangaluan paluah maabehan samak-samak tu ciek lu a."
Ambo jawablah ka baliau dengan mantap. Indak tingga, samangek ampek limo lo nah.
"Ndak bialah Uki yang bawo oto lai. Uda sanang se di sampiang supir."
Langsuang balau tanyo ka maa nio malala bisuak. Indak nio balau bininyo yang bawo oto do.
"Bialah Uda yang bawo. Ndak ka iyo Uki do," sambuangnyo.
Bilo lah dipacayo manyetir surang. Nak pulang kampuang yang di baliak dapua tu, sambia malala gak salayok. Puta-puta Solok se jadi tu.
Muaro Paneh, 7 November 2020
Konten pada website ini merupakan konten yang di tulis oleh user. Tanggung jawab isi adalah sepenuhnya oleh user/penulis. Pihak pengelola web tidak memiliki tanggung jawab apapun atas hal hal yang dapat ditimbulkan dari penerbitan artikel di website ini, namun setiap orang bisa mengirimkan surat aduan yang akan ditindak lanjuti oleh pengelola sebaik mungkin. Pengelola website berhak untuk membatalkan penayangan artikel, penghapusan artikel hingga penonaktifan akun penulis bila terdapat konten yang tidak seharusnya ditayangkan di web ini.
Laporkan Penyalahgunaan
Komentar
Ambo jan lupo diajak gais