#TantanganGurusiana

Didi Alah Bisa Mamasang Sepatu

Tantangan gurusiana hari ke 13

Didi adalah anak laki- laki yang kini sekolah di TK Pelangi. Didi punyo adiak yang kini barumua tigo tahun. Adiak Didi padusi, namonyo Dania. Mandeh Didi yang maanta Didi sekolah satiok hari. Abah Didi karajo di dapua karupuak sanjai. Karupuak sanjai makanan ciri khas Kota Bukittinggi.

Abah pai karajo pagi jam tujuah dan abah akan pulang sore jam limo. Ayah lah lamo karajo di dapua karupuak sanjai. Sajak Didi alun lahia ayah alah karajo disitu.

Pagi- pagi Didi alah jago dan dimandian oleh mandeh. Siap tu mandeh manyiapkan sarapan untuak ayah dan Didi. Sadang sarapan tadangan adiak Didi manangih di kamar. Mandeh langsuang mangaja ka kamar.

Dek hari lah hampia jam tujuah ayah langsuang barangkek pai karajo, samantaro Didi masih sarapan di meja makan. Hari lah hampia satangah lapan. Mandeh maingek an Didi untuak mamareso tas, alah masuak buku iqra, dek malam Didi baco iqra.

Didi langsuang mamareso tas, dan mamasuak an aia minum ka dalam tas. Langsuang didi ka pintu untuak mamasang sepatu. Biasonyo mandeh yang mamasangkan. Tapi dek Dania masih manangih Didi mancubo mamasang surang. Didi takana kalau inyo pernah diajaan ibu guru mamasang sepatu di sekolah.

Alah dipasang sepatu surang samo Didi. Alah bisa Didi walau talinyo alun takabek rapi lai. Tapi sepatu lai indak tabaliak. Mandeh kalua sambia mandukuang adiak, dek mandeh kapai maanta Didi ka sekolah.

Sampai di muko pintu takajuik mandeh, Didi alah pasang sepatu. Sanang hati mandeh mancaliak. Lah gadang uda Didi mah kecek mandeh. Lah bisa pasang sepatu surang. Iyolah hebat uda mah. Sanang hati Didi mandanga mandeh mamujinyo. Tapi talinyo alun rapi lai mandeh kecek Didi. Indak baa do nak, lah santiang uda Didi mah , beko kalau alah acok uda pasang surang, rapi lai tu kecek mandeh.

Nah pai wak lai uda Didi, beko uda talambek sekolah. Salamo perjalanan ka sekolah sanang bana hati Didi, dek kini nyo alah bisa pasang sepatu surang. beko sampai di sekolah nyo caritoan samo ibuk gurunyo.