Ngan saukur keclakna cipanon nu marengan

Lalakon hirup di pangumbaraan

Rek diajar mandiri niat hate ngalakonan

Susuganan jaga manggih kabagjaan..

Nekad diri di jurung pidu'a ti anjeun

sadayana Sesepuh nu salalawasna mikanyaah

Mikaheman diri nu teu daya teu upaya

Lengkahna suku marengan niat jeung tekad

Ngumbara ka lembur batur nu teu aya dina lamunan.

Kasebrang ka palembang, balik balik mawa kurupuk

Sapenggal babasaan kaulinan di lembur keur ngusir reungit

Tapi ayeuna kudu kaalaman ku sorangan

Ka sebrang ka sumatra

Susuganan pinanggih bagja

Dalapan taun sanes waktos nu sakedap

Pahit peurih codeka hate datang kasorang

Kaduhung ngajurung hate hayang balik

Diri teu kuat nyawang kumaha kahareupna

Lantaran di dieu

Lieuk leuweung lieuk lamping

Jauh ka sintung kalapa

Lieuk deungeun lieuk lain

Jauh ka indung bapa

Teu harta teu baraya

Sangsara nu tumiba

Emak

Aki

Abah

Ene

....

Kedah kumaha ieu diri ?

Duh gusti pangeran abdi

Paparin abdi kakiatan jembarna manah

Pikeun ngalakonan hirup nu walurat. Jantenkeun abdi jalmi sabar tur tawakkal. Aamiin

#Nineung sono ka lembur#