Kalau di bilang zaman sekarang

Bia di kampung awak bia di kampung urang

Bia di kota Padang bia di Padang panjang

Labih pergaulan anak gadih Jo anak bujang

Bia anak awak bia anak urang

bia kaminakan awak bia kaminakan urang

Alun baralek minantu lah datang

Alun menikah paruik lah gadang

Di cubo batani Jo mamangku

Manggaleh roti Jo manggale cinduo

Manggale ayam Jo mencari taluo

Indak lah jadi sembahyang Zuhur

Pai marantau ka Jakarta

Tibo disinan timbua lah aka

Kalua nagari tiok sabanta

Mencari galeh nan akan di jua

Lah lupuik Pulo sembahyang Azha

Di cubo baladang di ate bukik

Di Tabang pisang di buek ripik

Katumbuhnyo sangek sarik

Lah irau sajo kipang Jo ripik

Lah lupuik Pulo sembahyang magarik

Bagurau sajo di palanta

Main domino Jo main kua

Manonton dunia dalam berita

Dari Inggris ke Amerika

Dari Arab ke Rusia

Lah lupuik Pulo sembahyang Isa

Lalok Jo makan sangek namu

Kok angoknyo karuh bakaruh

Salimuiknyo tambuh batambuh

Bagalek bagalek masuk tabuh

Lah lupuik Pulo sembahyang Subuh

Jadi pegawai Jo pajabat

Lah hirau sajo Jo masyarakat

Sagalo karajo selalu lambat

Marasokan diri nan lebih hebat

Tinggal kan sajo kalimah syahadat

Kok diliek lagak urang

Indak tau hari ka Patang

Lah lupo jalan ka pulang

Awak lah maleh tagak sumbahyang

Kok diliek urang mengandung

Pinggangnyo Lantik baruiknyo busung

Kok bareknyo lebih daripado lasung

Anak nan lahia Ndak tau di untung

Sarang timpuo di tepi Lapau

Maadoknyo ka tangah jalan

Awak lah tuo umban lah tumbuh

Alun juo mangana tuhan

Gadang ai lubuk lindai

Anyuik lah ranting puluik puluik

Aja sudah bilangan sampai

Balanjung lah malaikat maut